Бишкек, 17.08.22. /Кабар/. Кыргызстанда акыркы суткада 20 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Бишкек шаарында 3, Чүй облусунда 10, Ош облусунда 3, Жалал-Абад облусунда 1, Баткен облусунда 3 өрт кырсыгы катталып, аны өчүрүүгө 21 бөлүм тартылган.
Панфилов районунун Чалдовар айылындагы Верхняя көчөсүндө жыгач устундуу шифер менен жабылган 25 чарчы метр бастырма, 20 түк чөп күйгөн. Өрттүн себеби такталууда.
Аламүдүн районунда Лебединовка айылындагы №12 бала бакчанын кампасында 20 тонна көмүр түтөдү. Өрттүн себеби: заттардын жана материалдардын өзүнөн өзү күйүүсү.
Аламүдүн районунда Ленин айылында “Ак-Жол” өткөрмө пунктунун жанында жайгашкан “Ветка” фермасына таандык 30 тонна эндей чөп күйгөн. Өрттүн себеби такталууда.
Пикир
Оставить комментарий