Бишкек. 11.08.23. /Кабар/. ЕККУнун Бишкектеги Программалык кеңсеси «Жүргүнчүлөрдүн бажы декларация» программалык камсыздоосун Мамлекеттик бажы кызматына расмий өткөрүп берди. Бул тууралуу МБКнын басма сөз кызматынан билдиришти.
Иш-чарага бажы кызматынын төрагасы Самат Исабеков, ЕККУнун Бишкектеги Программалык кеңсесинин башчысы элчи Алексей Рогов, бажы кызматынын кызматкерлери, ошондой эле ЕККУнун Бишкектеги Программалык кеңсесинин өкүлдөрү катышты.
Көрсөтүлгөн «Жүргүнчүлөрдүн бажы декларациясы» программалык камсыздоосу ЕККУнун Бишкектеги Программалык кеңсесинин колдоосу менен иштелип чыккан.
Маалыматтык система жүргүнчүлөрдүн бажы декларациясы аркылуу жеке жактардын жеке колдонуусу үчүн товарларды бажылык декларациялоо процессин автоматташтырууга мүмкүндүк берет.
Колдонуучу ыңгайлуу интерфейсиндеги каалаган жеткиликтүү браузерден система жүргүнчүлөрдүн бажы декларациясын электрондук түрдө тапшырууга жана жеке колдонуу товарлары үчүн тийиштүү бажы төлөмдөрүн эсептөөгө мүмкүндүк берет, ошону менен жүргүнчү алдын ала ЖБД толтуруп, төлөмдөрдү көрө алат.
Бажы органы тарабынан система берилген маалыматты иштеп чыгууга, бажылык кириштөө ордерине ылайык товарларды чыгарууга жана кыймылдардын отчетун түзө алат.
Учурда система тесттик режимде иштеп жатат.
Белгилей кетсек, КР Бажы кызматын өнүктүрүү концепциясында аныкталган чараларды ишке ашыруунун алкагында соода жол-жоболорун жөнөкөйлөтүү жана өткөрүү пункттары аркылуу товарларды жана транспорттук каражаттарды өткөрүүдө бажылык башкаруунун натыйжалуулугун жогорулатуу, бажы операцияларынын бардык деңгээлдеринде ачык-айкындуулукту камсыз кылуу максатында Мамлекеттик бажы кызматы өткөрүү пункттарында жүргүзүлүүчү бизнес-процесстерди оптималдаштыруу жана санариптештирүү боюнча чечимдерди ишке ашырууда.
Пикир
Оставить комментарий