Бишкек, 17.10.17. /Нуркыз Сабырова - Кабар/. Түнү Бишкек-Ош унаа жолундагы кокусунан таштын кулашынан оор жүк ташуучу унаанын айдоочусу жабыркаган. Бул тууралуу ӨКМдин басма сөз кызматы билдирет.
Маалыматка ылайык, окуя бүгүн, болжол менен саат 02:10 чамасындагы Жалал-Абад облусунун Каракол шаарына жакын Бишкек-Ош унаа жолунун 394-чакырымында катталган.
“Куткаруучулар “Вольво” үлгүсүндөгү унаанын оң жак тарабына болжол менен 1 куб таш кулаган жерге барышкан. Кырсыктын кесепетинен айдоочу 1976-жылы туулган Ильхом Батыровдун көкүрөгү рульга катуу тийген. Куткаруучулар айдоочууга биринчи тез жардам көрсөтүшүп, тез жардам кызматына өткөрүп беришкен”,-деп айтылат маалыматта.
Пикир
Оставить комментарий