Бишкекте бадминтон боюнча Кыргызстандын чемпионаты өттү

Бишкек, 13.12.23. /Кабар/. Бишкекте бадминтон боюнча эркектер жана аялдар арасында Кыргызстандын чемпионаты өттү.

Муниципалитеттен билдиришкендей, мелдешке 50дөн ашык адам катышты.

Оюндар жупта да - экиден экиге каршы жана жекеликте өткөрүлдү. Үч категория бар - аралаш, аялдар жана эркектер.

Олимпиадалык резервдеги адистештирилген балдар-өспүрүмдөр мектебинин тарбиялануучулары чемпионатта медалдарга ээ болушту.

Жалгыз эркектер категориясында:
1-орун – Кубатбек уулу Адилет;
2-орун - Абдумалик Садыков;
3-орун -Байэл Жоломанов.

Эркектер арасындагы жуптар категориясында:
1-орун – Кубатбек уулу Адилет жана Абдумалик Садыков;
3-орунду Нурдан Дүйшөнбиев менен Данил Рыспаев.

Жалгыз аялдар категориясында:
2-орун – Жасмин Айсарова;
3-орун - Айназик Мээримбекова;

Аялдардын жуп категориясында:
2-орун – Жасмин Айсарова жана Чынгызбек кызы Гүлкайыр;
3-орун- Айназик Мээримбекова менен Талайгүл Турарова;

Микс категориясында:
2-орун – Жасмин Айсарова жана Абдумалик Садыков.

Белгилей кетсек, бардык жеңүүчүлөр медаль, грамота жана баалуу сыйлыктар менен сыйланышты.

Иш-чараны Кыргызстандын бадминтон жана сквош федерациясы жана “Жаштык” Олимпиадалык оюндарды жана спорттук иш-чараларды өткөрүү боюнча дирекциясы уюштурду.

Мелдештер сергек жашоого үндөө, бадминтонду жайылтуу жана Кыргызстандын курама командасын түзүү максатында өткөрүлдү.