Бишкек, 24.01.24. /Кабар/. 2023-жылкы Азия Кубогунун эртеңки Кыргызстан — Оман беттешинде калыстар бригадасын кувейттик ФИФА калысы Ахмад Алали жетектейт. Бул тууралуу Кыргыз футбол союзунан билдиришти.
Башкы калыска каптал сызыктарда анын мекендештери - Абдулхади Аланези жана Ахмад Абас жардам беришет. Адхам Мухаммад (Иордания) резервдик арбитр болуп дайындалган.
VAR-системасында Абдулла Жамали (Кувейт) жана Эванс Шоун (Австралия) иштешет.
Белгилей кетсек, Кыргызстан — Оман беттеши 25-январда Доха шаарындагы Абдулах бин Халиф стадионунда өтөт. Беттеш Бишкек убактысы боюнча саат 21:00дө старт алат.
Бишкекте күйөрмандар үчүн атайын фан-зона уюштурулат.
Азия Кубогунун бардык оюндарынын түз алып берүүлөрү Кыргызстандын аймагында "УТРК Спорт" каналында жеткиликтүү болот.
Пикир
Оставить комментарий