Бишкекте жазгы спартакиаданын экинчи этабы өттү

Бишкек, 13.05.22. /Кабар/. Бишкекте 2010-жылы туулган балдар жана өспүрүмдөр арасында жашаган жери боюнча жазгы спартакиаданын экинчи этабы өттү.

Муниципалитеттин басма сөз кызматы билдиргендей, №16 жана №46 орто мектептердин базасында спорттун беш түрү: кичи футбол, пионербол, дартс, аркан тартыш жана ачык оюндар боюнча финалдык оюндарга 750 жаш спортчу катышты.

Жеңүүчүлөр жана байге ээлери диплом, медаль, кубок жана баалуу сыйлыктар менен сыйланды.

Иш-чаралар КР президентинин “Инсанды руханий-адептик жактан өнүктүрүү жана дене тарбиясы жөнүндө” концепцияны ишке ашыруу боюнча жарлыгынын алкагында өткөрүлүүдө.