Бишкек, 06.12.24. /Кабар/. "Мейкин" сыйлыгын тапшыруу аземи 17-декабрда президенттин катышуусунда өтөт.
Сынактын жыйынтыгын чыгарууга арналган маалымат жыйын өтүп, анда комиссия мүчөлөрү материалдарды калыс баалоого шарт түзүлүп, басым-кысым болбогонун белгилешкен.
Белгилей кетсек, "Мейкин" сыйлыгы быйыл биринчи жолу тапшырылат. Ал журналисттер үчүн президент тарабынан негизделген.
Демилге медиа жана журналистика жаатында чыгармачылыкты колдоо, жетишкендиктерди таануу, журналисттик кесиптин беделин жогорулатуу максатында иштелип чыккан.
Сыйлыктын байге фонду 10 млн сомдон ашып, 10 номинациянын ар бирине 1 млн сомдон сый акы каралган.
Пикир
Оставить комментарий