Бишкек, 10.12.21. /Кабар/. КР Улуттук коопсуздук мамлекеттик комитети тарабынан жүргүзүлүп жаткан терроризмге каршы иш-чаралардын алкагында 2021-жылдын 8-декабрында Бишкек шаарында М.Ш.Р. аттуу чет мамлекеттин жараны террористтик ишмердүүлүккө катыштыгы бар деп шектелип кармалды.
Ведомствонун басма сөз кызматы билдиргендей, кармалган адамдын Стамбулдагы клубдардын резонанстуу терактка тиешеси бар экени, анын натыйжасында 18 өлкөнүн 39 жараны набыт болгону аныкталган.
Кармалган жаран КР УКМК тергөө камак жайынын убактылуу кармоочу жайына киргизилди.
Ыкчам-тергөө иш-чаралары улантылууда.
Пикир
Оставить комментарий