Азия Кубогу: Кыргызстандын футбол боюнча улуттук курамасы ойной турган стадиондор

Бишкек, 09.01.24. /Кабар/. Үстүбүздөгү жылдын 12-январында Азия Кубогу-2023 башталат. Оюндар Катардын 9 стадионунда өтөт.

Дохадагы «Абдулла Бин Халифа» стадиону Кыргызстандын Улуттук курама командасынын эки оюнун кабыл алат: биринчи турдун алкагындагы Таиландга каршы, экинчи турдун Оман курамасына каршы беттештери.

2013-жылы курулган бул стадион «Аль-Духаиль» футболдук клубунун үй аренасы болуп саналат жана 10 миң көрүүчүнү батыра алат.

Сауд Аравия менен Кыргызстандын курама командалары «Эр - Раян» жана «Аль-Харитият» клубдарынын негизги стадиону болгон «Ахмед Бин Али» көп функциялуу аренадасында ойнойт.

2022-жылкы Дүйнөлүк Чемпионаттын жети оюнун кабыл алган аренанын сыйымдуулугу 45 миңден ашуун орун.

2023-жылкы Азия Кубогунун ачылыш беттеши Катар жана Ливан курамаларынын ортосунда 12-январда орун алат.

Кыргызстандын улуттук курама командасы тарыхында экинчи жолу Азия биринчилигине катышып, турнирде 16-январда Таиланд курама командасына каршы оюнунда старт алат.

Белгилей кетсек, Азия Кубогу-2023 2024-жылдын 12-январынан 10-февралына чейин Катарда өтөт. Кыргыз курама командасы F тайпасында Оман, Сауд Аравия жана Таиланд курамалары менен ойнойт.

Алдыда боло турган Азия чемпионатына катышуу улуттук кураманын тарыхында экинчи болуп калмакчы. Футболчулардын астында Азия Кубогуна жана 2026-жылы өтө турган дүйнөлүк чемпионатка жолдомо алууга күрөштү улантуу үчүн Азиянын 18 мыкты командасынын бири болуу милдети турат.

Оюндардын жүгүртмөсү: 16-январь | 1-оюн күнү

21-январь | экинчи 2-оюн күнү

25-январь | 3-оюн күнү

Улуттук кураманын башкы машыктыруучусу Штефан Тарковичтин жетекчилиги алдындагы улуттук кураманын машыктыруучулар штабы 2023-жылкы Азия Кубогуна үчүн кураманын акыркы тизмесин жарыялады. Кураманын тизмеси 26 оюнчудан турат.

Дарбазачылар

• Токотаев Эржан («Шанлыурфаспор», Түркия);
• Исламкулов Марсель («Абдыш-Ата»);
• Чомоев Султан, Нурланбеков Курманбек (экөө тең «Дордой»).

Коргоочулар

• Жыргалбек уулу Кайрат (Абдыш-Ата»);
• Браузман Християн (Абдыш-Ата»);
• Акматов Айзар (Абдыш-Ата»);
• Дүйшөбеков Бактыяр;
• Козубаев Тамирлан («Истерн», Гонконг);
• Сагынбаев Бекжан;
• Мамыралиев Сүйүнтбек;
• Мищенко Александр («Дордой»);
• Шамурзаев Амантур («Абдыш-Ата»).

Жарым коргоочулар

• Абдурахманов Одилжон;
• Кадыржанов Адиль («Дордой»);
• Мерк Кай («Унион Титус Петанж», Люксембург);
• Алмазбеков Бекназ («Галатасарай», Түркия);
• Мерк Кими («Пахтакор», Өзбекстан);
• Алыкулов Гүлжигит («Неман», Беларусь);
• Сталбеков Нурдөөлөт;
• Джумашев Атай (Абдыш-Ата»);
• Мусабеков Фархат (Абдыш-Ата»)
• Азаров Азим («Абдыш-Ата»).

Чабуулчулар

• Батырканов Эрнист («Абдыш-Ата»);
• Жоэл Кожо («Динамо-Самарканд», Өзбекстан);
• Токтосунов Дастан («Нефтчи»).