Бишкек, 08.10.21. /Кабар/. Бүткүл дүйнөлүк паллиативдик жардам күнүнүн алдында Чүй проспектисин №40 дарегиндеги №8 ҮМБнын базасында паллиативдик жардамдын Бишкек ресурстук борборунун ачылышы болду. Бул тууралуу Бишкек шаардык мэриясынын басма сөз кызматы билдирет.
Маалыматка ылайык, жаңы мекемени Кыргыз Республикасынын саламаттык сактоо жана социалдык өнүктүрүү министринин орун басары Жалалидин Рахматуллаев, Бишкек шаарынын вице-мэри Виктория Мозгачева, шаардык саламаттыкты сактоо башкармалыгынын башчысы Бактыгүл Исмаилова, ММК фондунун, Бишкек шаардык кеңешинин, "Сорос Кыргызстан" Фондунун өкүлдөрү, Улуттук Борборлор жана медициналык мекемелер, шаардык үй-бүлөлүк дарыгерлер борборлору, Кыргыз Республикасынын паллиативдик жана хоспистик жардам ассоциациясы, паллиативдик дарыгерлер жана бейтаптар ачышты.
Борбор шаардык муниципалитетинин жана Кыргыз Республикасынын Саламаттыкты сактоо жана социалдык өнүктүрүү министрлигинин чечими менен шаардык ден соолук борборунун жана "Сорос Кыргызстан" фондунун колдоосу менен ачылды.
"Сорос Кыргызстан" фондунун жана ДССУнун колдоосу менен паллиативдик жардам көрсөтүү боюнча түзүлгөн жана даярдалган көп дисциплиналуу командалардын дарыгерлери жана медайымдары үй-бүлөлүк дарыгерлер жана медайымдар менен биргеликте үйүндө катуу ооруп жаткан бейтаптарга кеңеш беришет жана региондордун дарыгерлери менен онлайн консультацияларды өткөрүшөт.
Бул борбор Кыргыз мамлекеттик медициналык академиясы, Кыргыз мамлекеттик кайра даярдоо жана квалификациясын жогорулатуу медициналык институту жана башка медициналык билим берүү мекемелери менен бирге окуу семинарларын, тренингдерди, лекцияларды өткөрөт, ошондой эле чет өлкөлүк эксперттер менен баарлашат.
Борбордун адистери бейтаптын жана анын үй-бүлөсүнүн социалдык жана психологиялык жардам көрсөтүү көйгөйлөрүн чечүүгө тартылат жана ыктыярчыларды үйдө жардам көрсөтүүгө тартууга жардам беришет.
Маалымат иретинде: Паллиативдик жардам - бул оорусу бар, айыктырууга мүмкүн болбогон бейтапка кам көрүү.
Пикир
Оставить комментарий