Бишкек, 08.01.20. /Кабар/. Бишкектеги кафелердин биринен тамактанган төрт адам ууланган. Бул тууралуу Санитардык эпидемиологиялык көзөмөлдөө борборунан билдиришти.
Маалыматка ылайык, майрамдык эс алуу күндөрү 1-январдан 7-январга чейин Бишкек шаары боюнча бир уулануу фактысы катталып, анда төрт адам жабыркаган.
Жабыркагандар 3-январь күнү “Белес” кафесинен тамактанышкан. Медициналык жардам көрсөтүлгөндөн кийин алардын абалы жеңилдеген. Учурда тамакка ууланган төрт адам амбулатордук дарыланууда.
Адистер тарабынан аталган кафеде текшерүү жүргүзүлүп, баардык тамактардын, суунун, идиш-аяк жуучу каражат жана идиш-аяктардан экспертиза үчүн үлгүлөр алынып, экспертизага жөнөтүлгөн. Андан тышкары, мекеменин кызматкерлери да текшерүүдөн өткөн.
Пикир
Оставить комментарий