Бишкек, 12.07.19. /Кабар/. "Биздин сүйлөшүүлөрдүн жыйынтыгын жогору баалайбыз", - деди Казакстандын өкмөт башчысы Аскар Мамин VIII кыргыз-казак өкмөттөр аралык кеңештин жыйынтыгы боюнча билдирүү жасап жатып.
Ал белгилегендей, сүйлөшүү учурунда эки тараптуу алака боюнча пикир алышуу болгон.
"Соода-экономикалык кызматташууну өнүктүрүүгө өзгөчө көңүл бурулду. 2020-жылы соода жүгүртүүнү 1 млрд. долларга жеткирүүнү көздөөдөбүз", - деди ал.
Ошондой эле ал, эки тарап инвестициялык кызматташууну арттырууну макулдашканын айтты.
"Биздин делегацияда кыргызстандык кесиптештери менен инвестициялык долбоорлорду кароого даяр бизнесмендердин тобу бар. Тараптардын суу-энергетикалык тармактагы негизги аспекттери боюнча позициялары жакындашты. Негизинен баадык көйгөйлүү маселелер чечилди", - деди ал.
Пикир
Оставить комментарий