Бишкек, 13.11.23. /Кабар/. Кыргызгидромет борбору өлкө аймагында 13-ноябрга карата күтүлгөн аба ырайы тууралуу маалымат таратты.
Ага ылайык, бүгүн Чүй, Ысык-Көл, Нарын облустарынын айрым жерлеринде жаан, Жалал-Абад облусунун тоо этектеринде жаан, кар, тоолуу райондорунда кар жаашы күтүлөт. Ал эми Жалал-Абад облусунун өрөөндөрүндө жана Талас, Ош, Баткен облустарында жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын айрым жерлеринде 15-20 метрге жетиши күтүлөт.
Абанын температурасы Чүй облусунда +6...+11, Талас, Нарын облустарында +4...+9, Ош, Жалал-Абад жана Баткен облустарында +12...+17, Ысык-Көл облусунда +5...+10 градус болот.
Бишкек шаарында абанын температурасы +8...+10 градус болушу күтүлөт.
Пикир
Оставить комментарий