Бишкек, 10.10.17 /Кабар/. Кыргыз Республикасынын Президентин шайлоого даярдык көрүү жана өткөрүү боюнча уюштуруу-техникалык маселелерин чечүүдө шайлоо комиссияларына көмөк көрсөтүү боюнча республикалык штабдын төрагасы болуп Кыргыз Республикасынын Биринчи вице-премьер-министри Толкунбек Абдыгулов бекитилди. Кыргыз Республикасынын Өкмөтүнүн тиешелүү буйругуна Кыргыз Республикасынын Премьер-министри Сапар Исаков кол койду. Бул тууралуу өкмөттүн аппаратынын маалыматтык камсыздоо бөлүмү билдирди.
Кыргыз Республикасынын Президентин шайлоого даярдык көрүү жана өткөрүү боюнча уюштуруу-техникалык маселелерин чечүүдө шайлоо комиссияларына көмөк көрсөтүү боюнча республикалык штабдын курамына киргизилгендер:
- Момуналиев Нурханбек Сакенович, Кыргыз Республикасынын Өкмөтүнүн Аппарат жетекчиси – министр, Республикалык штабдын төрагасынын орун басары;
- Айдарбеков Айбек Акматбекович, Кыргыз Республикасынын Өкмөтүнүн Аппаратынын Эл аралык кызматташтык бөлүмүнүн башчысы, республикалык штабдын мүчөсү.
Пикир
Оставить комментарий