Таиланддан Казакстан аркылуу жети кыргыз жараны учуп келди

Коом 0

Бишкек, 01.08.20. /Кабар/. Бишкекке Таиланддан Кыргызстандын жарандары кайтып келди, - деп кабарлайт Тышкы иштер министрлигинин басма сөз кызматы.

Тышкы саясий ведомствонун маалыматына караганда, чет мамлекеттерден кыргыз жарандарын кайтаруу боюнча КР Президентинин жана Өкмөттүн тапшырмасын аткаруунун алкагында, 2020-жылдын 1-августунда КР ТИМи Казакстан тарабы менен биргеликте Таиланд Королдугунан 7 КР жаранын кайтаруу иши жүзөгө ашырылды.

«Биздин жарандар «SCAT Airlines» казакстандык авиакомпаниясынын чартердик каттамы менен Бангкок шаарынан Алматы шаарынын эл аралык аэропортуна учуп келип, Бишкек шаарына атайын транспорт менен чыгарылган», - деп айтылат маалыматта.

Чет мамлекеттерде калып жаткан жана мекенине кайтып келүүнү каалап жаткан Кыргызстандын жарандарын кайтаруу боюнча мүмкүн болгон маршруттарды издөө, ошондой эле өнөктөш өлкөлөрдүн жардамы менен, иштер улантылууда.

Пикир

Оставить комментарий