Бишкек, 13.06.18. /Кабар/. Ташкент шаарынын башкы имам-хатиби Анвар-кори Турсунов бүгүн, 13-июнь күнү эртең менен көз жумду. Бул маалыматты Өзбекстан мусулмандар дин башкармалыгы тастыктады.
Анвар-кори Турсуновго жаназа бүгүн Ташкент шаарындагы «Минор» мечитинде окутулат.
60 жаштагы имам 5-апрелде Республикалык медициналык борбордо операция болгон. Ошондон бери ал оор абалда комада жатканы айтылган. Буга чейин “Азаттыктын” өзбек кызматы Анвар-кори Турсунов инсульт алганын жазган.
Анвар-кори Турсунов Өзбекстандагы белгилүү диний ишмер катары эсептелген. 2009-жылы анын өмүрүнө кол салуу болгон. 31-июлда белгисиз үч киши Турсуновго тогуз жолу бычак сайган. Анвар-кори Турсуновго кол салуу шеги менен 70тей киши кармалган. Бул боюнча сот жабык режимде өткөн.
1999-жылдан бери Анвар-кори Турсунов Ташкент шаарынын башкы имамы болгон. 1989-1992-жылдары ал шейх Алауддин Мансур тарабынан өзбекчеге которулган Куранды редакциялаган.
Пикир
Оставить комментарий