Бишкек, 29.06.22. /Кабар/. Ысык-Көл облусунун Тоң районунда үч эм төрөлдү. Бул тууралуу президенттин облустагы өкүлчүлүгүнүн басма сөз кызматы билдирди.
Маалыматка ылайык, кечээ, 28-июнда Тоң районунун Кара-Талаа айылынын 1986-жылы туулган тургуну Айбарчын Бегалиева 3 эмди жарык дүйнөгө алып келген.
Азыркы учурда ымыркайлар облустук төрөт бөлүмүндө дарыгерлердин көзөмөлүндө. Балдардын салмагы 1915 гр, 1915 гр, 1825 гр. Аларга Саламат, Салават жана Сауле деген ысымдар ыйгарылган.
Пикир
Оставить комментарий