Өзбекстанда коронавирус жуктурган дагы 13 бейтап айыкты

ММК БА ТУУРАЛУУ 0

Бишкек, 01.04.20. /Кабар/. Өзбекстанда дагы 13 коронавирус жуктурган адам толугу менен айыкты жана 2-апрелде ооруканадан чыгарылды. Бул тууралуу Өзбекстандын Саламаттык сактоо министрлиги кабарлайт.

Алардын 12си Вирусология илимий-изилдөө институтунун клиникасында, ал эми бирөө Хорезм облусундагы адистештирилген жугуштуу оорулар мекемесинде дарыланган.

Саламаттык сактоо министри Алишер Шадманов жана башка расмий адамдар аларды Республикалык терапия жана медициналык реабилитация адистештирилген илимий-практикалык медициналык борборуна узатышты.

Коронавирус илдетинен айыккан бир адам 13-мартта Стамбул-Ташкент каттамы менен, дагы бирөө 18-мартта Москва-Ташкент каттамы менен Өзбекстанга келген. Ал эми калган он бири коронавирус жуктурган адамдар менен байланышта болгондор.

Бүгүнкү күнгө карата Өзбекстанда коронавирустук инфекциядан толук айыккандардын саны 25 кишини түздү.

Пикир

Оставить комментарий