Бишкектеги бала бакчалардын бирине декоративдик искусство студиясы ачылды

Коом 0

Бишкек, 22.12.22./Кабар/. Бишкектеги бала бакчалардын бирине декоративдик искусство студиясы ачылды. Бул тууралуу шаардык мэриядан билдиришти.

Маалыматка ылайык, №186 мектепке чейинки билим берүү мекемесинде балкондорду реконструкциялоонун эсебинен 4 тайпага – орто, 2 жогорку жана даярдоо тобуна 120 чарчы метр кошумча аянт пайдаланууга берилди.

"Кошумча аянтча балдардын ийримдик чыгармачылык ишмердүүлүгү үчүн иштейт. Балдарды декоративдик искусствого үйрөтүү үчүн Стем-Арт-Студия ачылды", - деп айтылат маалыматта.

Студияда балдар манжа театрынын атрибуттарын, кол өнөрчүлүктүн бардык түрлөрүн жана түстүү кийизден майрамдык жасалгаларды жасоону үйрөнөт.

Студиянын иши колдун майда моторикасын, балдардын эстетикалык кабылдоосун өнүктүрүүгө багытталган.

Пикир

Оставить комментарий