Бишкек, 08.04.20. /Кабар/. Бүгүн, 8-апрелге карата Кыргызстанда коронавирус жуктурган 42 жаӊы учур катталды. Өлкөдө коронавирус жуктурган учурлардын саны 270ге жетти.
- Өлкө боюнча коронавирустан айыккан 25 адам стационарлардан үйүнө чыгарылды.
- Обсервацияда бүгүнкү күндө 1 миң 97 адам, ал эми үй карантинине 439 адам жатат.
- Бүгүнкү күндө Кыргызстанда 32 медицина кызматкери коронавирус жуктурган.
- Ош шаарындагы балдар инфекциялык ооруканасы дезинфекциялоочу иш-чараларды жүргүзүү үчүн убактылуу жабылды.
- Республикада Өзгөчө кырдаалдар министрлигинин кызматкерлери тарабынан жер-жерлерде дезинфекциялоо иштери жүргүзүлүп жатат.
- Бүгүн 8-апрелде республиканын бардык региондорунда окуу башталды.
- Билим берүү жана илим министрлигинин алдындагы Улуттук билим берүүнүн сапатын баалоо борбору 4-11-класстардын оокучуларынын жетишкендиктерин баалоо үчүн комплекстүү тесттерди иштеп чыкты.
- Учурда өлкөдө 2 эсеп ачылган:
1) Эмгек жана социалдык өнүктүрүү министрлигинин алдында ачылган эсепке 6 млн 484 миң сом түштү.
2) Финансы министрлигинин алдында атайын ачылган депозиттик эсепке 103 млн сом түштү.
- Коммуналдык төлөө мөөнөтү 3 айга узартылат. Төлөмдүн мөөнөтү өтүп кеткендиги үчүн туум жазылбайт.
Пикир
Оставить комментарий