Бишкек, 04.09.17. /Кабар/. Кыргыз Республикасынын Премьер-министри Сапар Исаковдун чечими менен, Мьянмадагы болуп жаткан окуяларга байланыштуу коопсуздукту камсыз кылуу максатында жана коомчулуктагы кеңири талкууланган маселе, ал жактагы террористтик коркунучтардын жогору экенин эске алуу менен диний пикир келишпестиктерде массалык тартип бузууларга жол бербөө максатында , Кубок-Азия 2019 тандоо турунун алкагында Кыргыз Республикасы-Мьянма футболдук беттеши болбой калды. Бул тууралуу өкмөттүн маалымат кызматы билдирди.
«Укук коргоо органдарынан келип түшкөн маалыматтарга байланыштуу мен беттешти болтурбоо тууралуу чечим кабыл алды. Абал толук көзөмөлдө болот», — деди Сапар Исаков.
Мьянма улуттук курама командасына каршы беттеш эртең, 5-сентябрда, кечки саат 20.00 Дөлөн Өмүрзаков атындагы стадиондо болмок.
Пикир
Оставить комментарий