Бишкек, 19.10.22. /Кабар/. "Ак-Талаа көмүр" мамлекеттик ишканасы түзүлдү. Бул тууралуу президенттин Нарын облусундагы өкүлчүлүгүнөн билдиришти.
Маалыматка ылайык, аталган ишкана КР министрлер кабинетинин 2022-жылдын 3-октябрындагы №544-токтому менен Ак-Талаа райондук мамлекеттик администрациясынын алдында түзүлдү.
"Көмүр ишканасын түзүү демилгеси президенттин Нарын облусундагы өкүлү Алтынбек Эргешов тарабынан көтөрүлгөн. Ал Турук көмүр кенин туруктуу иштетүү, Ак-Талаа, Нарын, Ат-Башы райондорунун элин көмүр менен камсыздоо, жергиликтүү бюджетке киреше түшүрүү, районду дотациядан чыгаруу максаттарын көздөйт", - деп айтылат маалыматта.
Учурда Ак-Талаа райондук мамлекеттик администрациясы тарабынан "Ак-Талаа көмүр" ведомстволук көмүр казуучу мамлекеттик ишканасын түзүү боюнча уюштуруу иштери жүрүп жатат.
Ишкана “Кыргыз көмүр”, “Чоң-Алай көмүр” мамлекеттик ишканалары сыяктуу мамлекетке, элге пайда алып келген ишкана болоору күтүлүүдө.
Пикир
Оставить комментарий