Бишкек, 03.12.18. /Кабар/. Дүйнөлүк банк Эмгек жана социалдык өнүктүрүү министрлигинин Медициналык-социалдык эксперттик комиссиясына мүмкүнчүлүгү чектелген адамдарды ташуу үчүн 10 атайын автоунаа тапшырды.
Унаалардын мүмкүнчүлүктөрү менен премьер-министр Мухаммедкалый Абылгазиев таанышып чыкты.
Социалдык өнүктүрүү министринин орун басары Жаңыл Алыбаева билдиргендей, автоунаалар мүмкүнчүлүгү чектелген жарандардын майыптыгын каттоо учурунда колдонулат.
“2019-жылдын башында майыптарды ташуу графиги түзүлөт. Унаалар өлкөнүн алыскы аймактарында жашаган майыптарга барууга колдонулат. Анткени алар тиешелүү текшерүүлөрдү өтүүдө кыйынчылыктарга дуушар болуп келишет”, - деди Алыбаева.
Пикир
Оставить комментарий