Бишкек, 23.10.17. /Нуркыз Сабырова – Кабар/. Эртең саат 09:00дөн 18:00гө чейин Бишкектин конуштарында электр жарыгы өчүрүлөт. Бул тууралуу “Түндүкэлектр” ААК басма сөз кызматы билдирди.
Маалымдалгандай, Дордой-2, Энесай жана Келечек конуштарында жарык берүүнү токтотуу 220/110/10 киловатт “Башкы” көмөкчордонундагы оңдоо иштерине байланыштуу.
“Түндүкэлектр” ААКсы абоненттерден келтирилген ыңгайсыздыктар үчүн кечирим сурайт.
Маалымдама: 220/110/10 киловатт “Башкы” көмөкчордону Ленин айылында жайгашкан системалар аралык көмөкчордон. Анын жалпы аянты 9 гектар. Борбор шаардын түндүк бөлүгүн электр жарыгы менен камсыздайт.
Пикир
Оставить комментарий