Есеналиев юстиция министринин орун басары кызматына дайындалды

Бишкек, 18.05.18. /Кабар/. Кыргыз Республикасынын Премьер-министри Мухаммедкалый Абылгазиев буйрукка кол койду. Ага ылайык Абдуллаев Равшан Бахтиярович берген арызынан улам, Кыргыз Республикасынын юстиция министринин орун басары кызматынан бошотулду. Ал эми Есеналиев Максатбек Кульчороевич КР юстиция министринин орун басары болуп дайындалды. Бул тууралуу КР өкмөтүнүн аппаратынын маалыматтык камсыздоо бөлүмү билдирет.