Караколдо 105-сериядагы көп кабаттуу жаңы үй куруу пландалууда

Бишкек, 18.01.23. /Кабар/. Караколдо атайын конструктордук бюро менен 105-сериядагы көп кабаттуу жаңы үй куруу пландалууда.

Мамлекеттик сатып алуулар порталындагы маалыматка караганда, тендер Архитектура, курулуш жана турак жай-коммуналдык чарба мамлекеттик агенттигине караштуу Курулуш жана инженердик инфраструктура департаменти тарабынан жарыяланган.

Көп кабаттуу үй Кашка-Суу №14 кичирайонундагы Масалиев жана Иппоромный көчөлөрүнүн кесилишине салынмакчы.

Тендердин пландалып жаткан суммасы 298 млн 498 миң 630 сом, сынактык билдирүүлөрдү тапшыруунун мөөнөтү - 31-январга чейин.