Бишкек, 24.12.21. /Кабар/. Кыргызстанга 9 айдын ичинде чет элдик инвестициянын келиши 503 млн доллардан ашык каражатты түздү. Бул тууралуу инвестиция министринин милдетин аткаруучу Нурадил Баясов билдирди.
Анын айтымында, үстүбүздөгү жылдын 6 ай ичинде 2020-жылдын тогуз айында түшкөн каражатты алуу мүмкүн болду.
“Бул өлкөнүн ичинде болуп жаткан саясий процесстерге, COVID-19 тоскоолдугуна карабастан оң динамикаларды көрүп жатабыз дегенди билдирет”, - деди Баясов.
Ал ошондой эле 2020-жылы Кыргызстанда гана эмес, дүйнө жүзүндө пандемиянын таасиринен улам дүйнөлүк инвестиция 42% кыскарганын белгиледи.
“Бүткүл дүйнө жүзүндө 2020-жылы болжол менен 852 миллиард доллар инвестиция болгон. Бирок быйыл динамика жакшы жагына өзгөрүүдө”, - деди Баясов.
Пикир
Оставить комментарий