Бишкек,01.05.22. /Кабар/. Маданият, маалымат, спорт жана жаштар саясаты министрлиги 2022-жылдын 1-9-майына чейин көңүлдүү убакыт өткөрүүнү каалагандар үчүн Бишкекте өтө турган турган иш-чаралардын тизмесин сунуштайт.
Программага ылайык, бардык иш-чаралар Ынтымак-2 сейил багында кечки саат 18:00дө өтөт.
- 1-2-май күндөрү Абубакир Изибаев атындагы Кыргыз мамлекеттик цирки;
- 3-май күнү Муса Жангазиев атындагы Кыргыз мамлекеттик куурчак театры;
- 4-май күнү Кыргыз улуттук К. Молдобасанов атындагы консерватория;
- 5-май күнү Токтогул Сатылганов атындагы Кыргыз улуттук филармония;
- 6-7-май күндөрү “Манас” Кыргыз улуттук театры;
- 8- май күнү Абдылас Малдыбаев атындагы Кыргыз улуттук академиялык опера жана балет театры;
- 9-май күнү Токтоболот Абдумомунов атындагы Кыргыз улуттук академиялык драма театры концерттик программаларды уюштуруп өткөрөт.
Мындан сырткары, аймактардагы театр оюн-зоок мекемелери жана маданият үйлөрү 1-3-5-7-9-май күндөрү ачык эс алуу жайларында, парктарда концерттик программаларды, көркөм окууларды, аймактан чыккан көрүнүктүү чыгармачыл ишмерлер менен жолугушууларды өткөрөт.
Пикир
Оставить комментарий