Ошто алгачкы ирет ипотекалык негизде үй курула баштады

Аймак 0

Бишкек, 05.09.19. /Кабар/. Ош шаарында ипотекалык негизде 9 кабаттуу 80 батирден турган ипотекалык үйдүн курулушу башталды. Капсула салуу иш-чарасына Ош шаарынын мэри Таалайбек Сарыбашов, шаардык кеңештин төрагасы Жапарбек Ормонов, шаардык кеңештин депутаттары жана тиешелүү жетекчилер катышкан.

Сарыбашов мэрия тарабынан алгачкы жолу ипотекалык негизде көп кабаттуу үй курулуп жатканын айтып, экинчи көп кабаттуу үйдүн да курулушу жакынкы айларда баштала турганын билдирди.

Үйдүн курулушу бүткөндөн кийин батирлерди бөлүштүрүү жана берүү боюнча атайын комиссия түзүлөт.

Курулушу башталган ипотекалык үй ипотекалык программаны реализациялоодон түшкөн каражатка салынууда.

Тактап айтканда, Ош жана Жалал-Абад шаарларын калыбына келтирүү боюнча мамлекеттик дирекциясы курган үйлөрдөн артып калган батирлерди ипотекага берүүдөн түшкөн каражатка курула баштады.

80 батирдин ичинен 1 бөлмөлүү-32 батир, 2 бөлмөлүү-32 батир, 3 бөлмөлүү-16 батир болот. Жер төлөөсүнө автоунаа токтотуучу жай курулат.

Пикир

Оставить комментарий