Бишкек, 12.05.21. /Кабар/. Сузакта жаандан улам дарыядан суу ашып, турак үйлөрдү каптады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Жалал-Абад облусунун Сузак районунда кечээ, 11-май күнү саат 11:00 чамасында катуу жааган жамгырдан улам Чангет-Сай дарыясынын деңгээли көтөрүлүп, суулар ашып, натыйжада Барпы айыл аймагынын Үлгү айылында болжол менен 14 турак үйдүн короолорун жана кафенин аймагын, Осмонов айылындагы 4 турак үйдүн короолорун, 1 турак үйдүн ичин жана Кызыл-Багыш айылындагы 1 турак үйдүн короосун жана Бишкек-Ош унаа жолунун 577-чакырымын (Үлгү айылы) каптаган.
Жерине куткаруучулар, жергиликтүү тургундар жана техника тартылып, тазалоо иштер жүрүүдө.
Учурда тазалоо иш-чаралары жүргөндүгүнө байланыштуу Бишкек-Ош унаа жолу жабылып, 575 жана 578-чакырымдарында посттор уюштурулган, унаалар Жалал-Абад шаары аркылуу өтүүдө.
Пикир
Оставить комментарий