Бишкек, 14.04.22. /Кабар/. Сүлүктү шаарынын Товарная жана Кош-Булак аймактарында аз камсыз болгон, калктын аярлуу катмарындагы адамдарга гуманитардык жардам кѳрсѳтүү максатында азык-түлүк текчеси ачылды. Бул тууралуу шаардык мэриянын басма сөз кызматы билдирди.
Маалыматка ылайык, азык-түлүк текчесинин ачылыш аземине шаар мэри Максат Кадыркулов, шаардык кеңештин төрагасы Кубанычбек Мадаминов, шаардык кеңештин депутаттары жана шаарыбыздагы мекеме-ишканалардын жетекчилери катышты.
Аземге катышкандар жана башка кайдыгер эмес тургундар акциянын башталышына карата кайрымдуулук кылуу максатында текчени азык-түлүк жана башка тиричилик буюмдары менен толукташты.
Сүлүктү шаарынын мэриясы кайдыгер эмес тургундарды мүмкүнчүлүккө жараша ушул текчени толуктап турууга чакырат.
Пикир
Оставить комментарий