Бишкек, 13.08.19. /Кабар/. Токмок шаарында поезд токтоп турган вагондорду сүзүп, бир адам кырсыктады. Бул тууралуу Өзгөчө кырдаалдар министрлигинин басма кызматы билдирди.
"Кечээ, болжол менен саат 22:00дө Токмок айнек заводунан 18 вагону менен чыккан поезд катуу ылдамдыкта келип Токмок темир жол бекетинде токтоп турган вагондорду сүзгөн", - деп билдирет министрликтин басма сөз кызматы.
Окуядан 58 жаштагы 1 киши кырсыктап, Токмок шаардык ооруканасына жеткирилген.
Жети вагон темир жол рельсинен чыгып, оодарылып кеткен.
Тасма "Короче" Telegram-каналынан алынды.
Пикир
Оставить комментарий