Бишкек, 11.04.23. /Адил Төлөгөнов - Кабар/. Кыргызстандык спортчу менен Калмира Билимбекова Казакстанда өтүп жаткан кыз-келиндер арасында күрөш боюнча Азия чемпионатында коло медаль тагынды.
Коло үчүн кармашта Калмира Билимбекова (59 кг) казакстандык Диана Каюмова менен күрөшүп, аны 11:6 эсебинде жеңип алды. Буга чейин ал казакстандык жана өзбекстандык спортчуларды утуп, жарым финалда кытайлык балбан кызга жеңилип калган.
Аталган мелдеште Акжол Махмудов (77 кг), Жоламан Шаршенбеков (60 кг) жана Акылбек Талантбеков (82 кг) алтын, Үзүр Жузупбеков (97 кг) күмүш, Роман Ким (130 кг) Раззак Бейшекеев (67 кг) жана Адилхан Нурланбеков (72 кг) коло медаль багындырды.
Белгилей кетсек, Азия чемпионаты 9-14-апрель күндөрү Астана шаарында өтүүдө.
Пикир
Оставить комментарий