Ташкент, 11-июль /Төлөнбай Курбанов – Кабар/. Кыргызстандын Өзбекстандагы толук ыйгарым укуктуу элчиси Данияр Сыдыков жана Өзбекстан Республикасынын илимдер академиясынын президенти Бехзод Элдашев өткөн жумада илим тармагында эки тараптын кызматташуусундагы айрым суроолорду талкуулашты. Бул тууралуу Ташкенттеги элчиликтен кабарлашты.
Сыдыков менен Юлдашев эки тараптуу кызматташуунун актуалдуу суроолорун талкуулап, кыргыз өзбек илимдер академиясынын мамилесин арттыруу, ошондой эле, биргелешкен долбоорлорду ишке ашырууда бир катар институттар аралык кызматташууну талкуулашты.
Тараптар илим жана илимий-техникалык тармагындагы кыргыз-өзбек мамилесин ар тараптуу өнүктүрүүгө кызыкдар экендерин билдиришти.
Эскерте кетсек, академик Юлдашев Бехзод Садыкович Өзбекстандын илимдер академиясынын президенти болуп, 2017-жылдын 10-январында шайланган.
Пикир
Оставить комментарий