Бишкек, 30.08.22. /Кабар/. Ысык-Көл районунун Кароол-Дөбө айылында кичи футбол аянтчасынын курулушу аяктап, колдонууга берилди. Бул тууралуу Ысык-Көлдү өнүктүрүү фондунан кабарлашты.
Маалыматка ылайык, спорттук аянтчанын ачылыш аземине жергиликтүү бийлик өкүлдөрү жана айыл тургундары катышты.
Аталган футбол аянтчасы Ысык-Көл облусун өнүктүрүү фондусунун колдоосу менен салынды. Курулуштун тендердик баасы 2 млн 736 миң сомду түздү. Футбол аятнчанын жалпы аянты 1033 метр. Курулуш 2022-жылдын май айында башталып, август айында бүткөрүлдү.
Мындай спорттук аянчалардын жер-жерлерге курулушу айыл тургундарын сергек жашоого үндөп, жаш муундарды физикалык жана руханий жактан чыңдоого өбөлгө түзмөкчү.
Пикир
Оставить комментарий