Бишкек, 15-май /Роман Гайнанов – Кабар/. Кыргызстандын футбол курама командасынын капитаны Азамат Байматов Бахрейн премьер-лигасынын мыкты оюнчуларынын бири болду. Бул тууралуу КР футбол федерациясынан билдиришти.
Бул команданын тарыхындагы биринчи натыйжа. Азамат Байматов – Кыргызстандын курама командасынын капитаны, Бахрейн Королдугунун Чемпионатында 2 жылдан бери ойнойт. Өткөн сезондо “Ситра” футболдук клубу үчүн ойногон.
“Чемпионаттагы 2-орун клубга кийинки сезондо эл аралык оюндарга катышууга кепилдик берди. Балким Азия Чемпиондор Лигасынын квалификациясына катышуулары да мүмкүн. Азмат Байматов Бахрейндин премьер-лигасында 5 топ киргизген”, - деп белгиледи КРФФ өкүлү Наталья Угрюмова.
Ошондой эле, кечээ А.Байматов ойногон "Аль-Риффа" футболдук клубу жыйынтык матчта 2:0 эсебинде “Малкиа” ФКны утту.
Пикир
Оставить комментарий