Бишкек, 08.09.17. /Кабар/. Чүй облусунун Аламүдүн районунун Чоң-Арык айылында жаңы көрүстөн иштеп баштады. Бул тууралуу Бишкек шаардык мэриясынын басма сөз кызматы билдирди.
Иш чарага Бишкек вице-мэри Эркинбек Исаков, Бишкек ритуалдык кызматтар агенттигинин башчысы Руслан Бочиев, шаардык кызматтардын өкүлдөрү жана башкалар катышышты.
Бул объект Түштүк-батыш көрүстөндүн толуп калышына байланыштуу ачылган.
Бул жер диний таандыгына байланыштуу бир канча бөлүккө бөлүнгөн. Жалпы аянты 44 га.
Маалымдама: Түштүк-батыш көрүстөн 1973-жылы ачылган. Башында 69 гектар жерди ээлесе, бүгүн мүрзөлөр 300 гектардан ашык аянтты ээлейт.
Пикир
Оставить комментарий