Бишкек, 13.06.19. /Кабар/. Бишкекте кыргыз-кытай бизнес форуму өтүүдө. Ал Кытайдын төрагасы Си Цзиньпиндин Кыргызстанга жасаган мамлекеттик сапарынын алкагында уюштурулду.
Форумдун жүрүшүндө Кыргызстандын инвестициялык потенциалы жана кытай инвесторлорунун мүмкүнчүлүктөрүн көрсөтүү пландалууда.
Алсак, Кыргызстандын агро өнөр-жай потенциалы, жол инфраструктурасына, энергетика тармагына инвестиция салуу мүмкүнчүлүктөрү тартууланат.
Андан тышкары иш-чаранын алкагында бизнесмендерге B2B жолугушууларын өткөрүүгө мүмкүндүк берилет.
Ошондой эле бир катар документтерге кол коюлары белгиленүүдө.
Иш-чарага биринчи вице-премьер-министр Кубатбек Боронов жана Кытайдын КРдагы элчилигинин соода-экономикалык маселелер боюнча кеңешчиси Ли Юе катышууда.
Пикир
Оставить комментарий