• 80.48
  • 79.59
  • 1.34

Бишкекте Шабдан баатырдын өмүрү жана ишмердүүлүгүнө арналган китептин бет ачары өттү

1566 кароо Маданият 0

Бишкек, 04.04.22. /Кабар/. Бишкекте Шабдан баатырдын өмүрү жана ишмердүүлүгүнө арналган китептин бет ачары өттү.

Шабдан Баатырдын чөбөрөсү Жайнагүл Тайгуронова “Кабар” маалымат агенттигинде өткөн маалымат жыйынында билдиргендей, архивдик документтерди жыйноо менен анын эжеси Жаңыл Абдылдабек кызы алектенген.

“Ал ата-бабалары жөнүндө гана эмес, анын балдары жана неберелери жөнүндө дагы жазууну пландап, бирок ага жетишпей калды”, - деди Тайгуронова.

Китеп жалпы 2,5 миң нускада чыккан, анын ичинде кыргыз тилинде 1 миң, орус тилинде 1,5 миң нуска. Бир китептин баасы 600 сомду түзөт.

Жайнагүл Тайгуронова ошондой эле эженин көзү тирүүсүндө Шабдан айылында музей ачылып, анда тарыхта маанилүү болгон бардык оригиналдуу документтердин көчүрмөлөрү топтолгондугун айтты.

Бирок, ал документтердин түп нускасын мамлекетке берүү керек деп эсептейт, анткени бул мамлекеттин жетишкендиги болуп саналат.

Тарыхый маалыматтарга ылайык, Шабдан баатыр 1839-жылы 29-октябрда азыркы Кемин районунун аймагында Жантай Карабековдордун үй-бүлөсундө төрөлгөн.

Тарыхта Шабдан Баатырдын аркасында Россия бийлиги менен “Алай даткасы” Курманжан Датка

Тарыхта Шабдан баатырдын аркасы менен 1876-жылдагы Түркстан жортуулдарында орус экспансиясына каршылык көрсөткөн орус бийлиги менен “Алай ханышасы” Курманжан датканы элдештирүүгө жетишкени айтылат.

Мындан тышкары, Шабдан баатыр орустарды кыргыз жергесине көчүрүүгө каршы куралдуу нааразылык акцияларына катышкан жүздөн ашуун өлүм жазасына кесилген кыргыздар менен казактарды туткундан бошотууга жетишкен.

Пикир

Оставить комментарий