Бишкек, 14.06.18. /Кабар/. Бишкекте оңдоо иштерине байланыштуу Садырбаев көчөсүнүн бир бөлүгү жабылат, - деп маалымдайт Бишкек мэриясынын басма сөз кызматы.
Шаардык капиталдык курулуш башкармалыгынын маалыматы боюнча, 16-июндан тарта Садырбаев көчөсүнүн жогорку тилкеси Семетей көчөсүнөн Масалиев (Түштүк магистраль) көчөсүнө чейинки бөлүгү жабык болот.
Аталган тилкеде асфальт төшөлүп, жол белгилери орнотулат. Оңдоо иштери үстүбүздөгү жылдын 30-октябрына чейин уланат.
Бишкек мэриясы келтирилген ыңгайсыздыктар үчүн шаардыктардан кечирим сурап, жол кыймылынын альтернативдик каттамдарын тандоого чакырат.
Пикир
Оставить комментарий