ӨКМ: Сутка ичинде 130дан ашуун куткаруучу имараттардын ичи-тышын дезинфекциялады

Бишкек, 27.04.20. /Кабар/. Кечээ, 26-апрель күнү, Кыргызстан боюнча 26 799 чарчы метр имараттын ичи, 52 266 чарчы метр имараттын сырты жана жалпы 79 065 чарчы метр аймак жана 873 000 чарчы метр аянт дезинфекцияланды. Бул иштерге жалпысынан 136 куткаруучу тартылган.

Өзгөчө кырдаалдар министрлигинин басма сөз кызматынан кабарлашкандай, учурда аталган багытта иштер уланууда.

Ал эми 112 ыкчам номерине өткөн сутка ичинде жалпы 6 миң 105 чалуу катталып, анын ичинен 369у коронавирус боюнча маалымат сурашкан. Нөөмөттөгү диспетчерлер аталган багыттагы суроолорго жооп берип жатышат.