Бишкек, 11.04.23. /Кабар/. Космонавт Сергей Корсаков туулган шаары Бишкекте мекендештери менен жолугушат.
Бишкек мэриясынан билдиришкендей, Космонавтика күнүнө жана Бишкек шаарынын 145 жылдыгына карата борбор калаада 12-апрелден 13-апрелге чейин Сергей Корсаковдун катышуусунда бир катар иш-чаралар өткөрүлөт.
12-апрель
- 09:00дө №25 мектептин жанындагы Юрий Гагариндин бюстуна жана БМУнун имаратындагы мемориалдык тактага гүл коюу иш-чарасы;
-14:30да №24 мектептин мугалимдери жана окуучулары менен жолугушуу;
- 15:30да жолугушуу борбордун мектеп окуучуларынын арасында өткөн дил баяндар конкурсунун жеңүүчүлөрү менен С.В. Корсаковдун жолугушуусу;
- 18:00дө Россиянын Борбордук аскер округунун ансамблинин концерти.
13-апрель
- 09:00дө КР Улуттук илимдер академиясынын жетекчилиги жана алдыңкы окумуштуулар менен жолугушуу;
- 17:00дө "Жылдыздарга жол Бишкектен башталат" Улуттук тарых музейинде Сергей Корсаков менен ачык жолугушуу;
- 18:00дө КР Улуттук тарых музейинде "Биринчилердин мезгили" тасмасы көрсөтүлөт.
Белгилей кетсек, Ю.А.Гагарин атындагы илимий изилдөө институтунун россиялык сыноочу-космонавты Сергей Корсаков 1984-жылы 1-сентябрда Фрунзе, азыркы Бишкек шаарында туулган. СССРдин/Россиянын 127-космонавты СССРдин/Россиянын космосто 129-жараны.
Ал 2022-жылдын 18-мартында Байконур космодромунан №1 кеменин бортинженери катары «Союз МС-21» транспорттук башкарылган космостук кемеси менен Эл аралык космос станциясына учурулган. Жерге 2022-жылдын 29-сентябрында кайтып келген. Учуунун узактыгы 194 күндөн ашык болгон.
Пикир
Оставить комментарий