Бишкек, 02.11.21. /Кабар/. Кыргызстандын мектептеринде күзгү каникул 8-ноябрдан 14-ноябрга чейин созулат. Бул тууралуу Билим берүу жана илим министрлигинин басма сөз кызматы билдирет.
Маалыматка ылайык, 2021-2022-окуу жылында мектеп окуучулары үчүн каникул мезгили, 5 күндүк окуу аптасын эске алганда, 29 календардык күндү түзөт.
“Күзгү каникул – 7 күн: 2021-жылдын 8-ноябрынан 14-ноябрына чейин, сабактар 2021-жылдын 15-ноябрынан башталат.
Кышкы каникул – 12 күн: 2021-жылдын 31-декабрынан 2022-жылдын 11-январына чейин, сабактар 2022-жылдын 12-январынан башталат.
Жазгы каникул – 10 күн: 2022-жылдын 21-мартынан 30-мартына чейин, cабактар 2022-жылдын 31-мартында башталат.
1-класстардын окуучулары үчүн III чейректе кошумча апталык каникул күндѳрү берилет”, - деп айтылат билдирүүдө.
Эске сала кетсек, 2021-2022-окуу жылында менчиктин бардык типтериндеги жана формаларындагы жалпы билим берүү уюмдарында сабактар 2022-жылдын 8-июнунда аяктайт.
Пикир
Оставить комментарий