• 84.8
  • 95.69
  • 1.15

Кыргызстанда күздүк эгиндерди айдоо алдындагы сугат иштери уланууда – Сокеев

Коом 0

Бишкек, 08.10.21. /Кабар/. Кыргызстанда күздүз эгиндерди айдоо алдындагы сугат иштери уланууда. Бул тууралуу “Кабар” агенттигинде өткөн маалымат жыйынында КР Айыл, суу чарба жана аймактарды өнүктүрүү министрлигинин алдындагы Мамлекеттик суу ресурстарды агенттигинин директору Алмазбек Сокеев билдирди.

Анын айтымында, учурда Чүй облусунда күздүк себүүнүн алдында сугаруу иштери улантылууда.

“Күздүк эгиндерди айдоо алдында сугат иштеринин жүрүшү негизинен Чүй облусунун тоолуу дарыяларынан канал системалары аркылуу ишке ашырылат. Бүгүнкү күндө 18 миң 537 гектар айдоо аянтка сугат жүргүзүлдү. Бул пландын 50%ын түзөт”, - деди ал.

Ал белгилегендей, жалпысынан республикада айдоого чейинки сугат 35 миң 272 гектар аянтка же 41%га аткарылды. Учурда Чыгыш чоң Чуй каналына 21,5 м3 / с, Батыш чоң Чүй каналына 29,1 м3 / с суу берилди.

“Ошол эле учурда Кемин районунун Чу дарыясы 2,2 м3 / сек суу алат. Чүй облусу - 1,0 м3 / сек суу, Ысык -Ата району - 1,5 м3 / сек суу, Аламүдүн району - 4,73 м3 / сек суу, Сокулук району - 6, 25 м3 / сек. суу, Жайыл району - 0,6 м3 / сек суу, Панфилов району - 4,8 м3 / сек. Жалпысынан, дарыянын канал системалары боюнча Чу дарыясы 21,11 м3 / сек суу менен камсыздалат. Чүй облусунун бардык райондору магистралдык каналдардан айдоо алдында сугатка кайрылбайт. Натыйжада Орто-Токой суу сактагычынан агызылган суу сарамжалсыз пайдаланылууда”, - деп белгиледи Сокеев.

Анын маалыматы боюнча, Чүй облусун суу менен камсыз кылуу үчүн Мамлекеттик суу чарба агенттиги 2022-жылдын вегетация мезгилине карата суу сактагычка суу сактоонун ордуна, Орто-Токой суу сактагычынан 25 м3 / сек чыгымдуу сууну дагы эле кое берет.

Сокеев 1-октябрдан тартып КР министрлер кабинети 2011-жылдын 6-июлундагы №372 токтому менен бекитилген суу менен камсыздоо боюнча кызмат көрсөтүүлөрдүн тарифтерине ылайык, 1 куб метрге 1 тыйындан туура келерин эске алуу керектигин кошумчалады.

“Мамлекеттик суу ресурстары агенттиги бардык суу пайдалануучуларды Чүй өрөөнүнүн магистралдык каналдары аркылуу агып жаткан сугат сууларынан максималдуу пайдаланууга чакырат”, - деп сөзүн жыйынтыктады ал.

Пикир

Оставить комментарий