Бишкек, 23.01.20. /Кабар/. Волейбол боюнча Кыргызстандын курамасында ойногон Темир Муса уулу Тайланддын лигасында ойноодо. Бул тууралуу Волейбол федерациясынан билдиришти.
Тайландда волейбол лигасынын жаңы сезону 18-январда старт алган. Лиганын биринчи турунда кыргызстандык спортчу ойногон "Эйр Форс" командасы "Asia GS Samutsakorn" клубун 3:0 эсебинде жеңип алды.
Ал эми 22-январда лиганын экинчи турунда "Эйр Форс" Тайланддын учурдагы чемпиону "Diamond Food Saraburi" командасы менен беттешип, 1:3 эсебинде утулуп калган.
Лиганын 3-туру 25-январда өтөт.
Пикир
Оставить комментарий