Бишкек, 30.06.21. /Кабар/. Бүгүн, 30-июнда Кытайдан Өзбекстанга ZF-UZ-VAC2001 вакцинасынын дагы 1 миллион дозасы жеткирилди. Бул тууралуу Өзбекстандын Саламаттык сактоо министрлиги билдирди.
Муну менен быйыл марттын аягынан бери Өзбекстанга келген ZF-UZ-VAC2001 вакцинасы 6,5 миллион дозага жетти.
Мекеменин маалыматына караганда, Өзбекстанга жеткирилген "Спутник-V" жана AstraZeneca вакциналарын кошуп эсептегенде, өлкөдө препараттардын жалпы запасы 7,4 миллион дозага жетти. Алардын 3,5 миллион дозасы эмдөө үчүн колдонулду.
Өзбекстанда коронавируска каршы вакцинация иштери быйыл 1-апрелде башталган. Бүгүнкү күнгө карата өлкө калкынын 4% коронавируска каршы толук эмдөөдөн өттү.
Пикир
Оставить комментарий