• 84.79
  • 98.7
  • 1.2

Мүмкүнчүлүгү чектелген 19 бала "Газпром Кыргызстан" мектебине кабыл алынды

Билим 0

Бишкек, 16.09.21. /Кабар/. "Газпром Кыргызстан" мектебине ден соолугунун мүмкүнчүлүгү чектелген балдарды тандоо жана кабыл алуу боюнча ведомстволор аралык комиссиялардын жыйындары өттү. Бул тууралуу Бишкек шаарынын мэриясынын басма сөз кызматы билдирет.

Бишкек шаардык кеңешинин депутаттары мекемелер аралык комиссиянын экинчи жыйынына катышты.

2019 -жылдын 26 -августундагы "Ден соолугунун мүмкүнчүлүгү чектелген балдарды" Газпром Кыргызстан "мектебине кабыл алуу тартиби жөнүндө" жобого жана Бишкек шаарынын мэриясы менен "Газпром Кыргызстан мектеби" коомдук фондунун ортосундагы келишимге ылайык, жыл сайын ден соолугунан мүмкүнчүлүгү чектелгендердин 20%на акысыз билим алуу мүмкүнчүлүгү берилет.

Комиссиянын чечими менен 1 -класстан 9 -класска чейинки ден соолугунун мүмкүнчүлүгү чектелген 19 бала кабыл алынды. Чечим кабыл алууда баланын диагнозу, жетишкендиктери, мурда окуган мектебинен мүнөздөмө жана албетте баланын өзүнүн каалоосу эске алынат.

Белгилей кетсек, учурда "Газпром Кыргызстан" мектебинде мүмкүнчүлүгү чектелген 130 окуучу билим алууда.

Пикир

Оставить комментарий