Бишкек, 21.11.18. /Кабар/. Ысык-Көл облусунун Балыкчы шаарында белгисиз адамдар эки автоунааны уурдап кетип, бирөөнү өрттөп салышкан. Аталган маалыматты "Кабар" агенттигине облустук милициядан тастыкташты.
Маалыматка ылайык, уурдалган унаалар 20-ноябрда шаардын четинен табылган. Аталган факты боюнча кылмыш иши козголду.
Билдирүүдө автоунаалар 19-ноябрда уурдалгандыгы жана алар эртеси күнү табылгандыгы айтылат. Азыркы учурда тиешелүү экспертиза жүргүзүлүп, териштирүү иштери уланууда.
Пикир
Оставить комментарий