Бишкек, 07.10.19. /Кабар/. Ысык-Көлдө кар көчкү басып калган эки чабан куткарылды, - деп кабарлайт КР Өзгөчө кырдаалдар министрлигинин (ӨКМ) басма сөз кызматы.
Билдирүүгө ылайык, күн мурун болжол менен саат 14:30да Төрт-Көл айыл аймагынын Тоң ашуусунда мал-жандыктарын айдап бараткан эки чабанды кар көчкү басып калган. Көчкү астында калган 43 жана 46 жаштагы малчылар өз алдынча көчкүнүн астынан чыгып, жардам сурашкан.
Жерине ӨКМ кызматынын 6 куткаруучусу, тез жардам кызматы жана айыл аймагынан 7 адам тартылып, жабыркагандарды Тоң райондук ооруканага жеткиришкен.
"Учурда абалдары канааттандырарлык, бутунан жана жамбашынан жаракат алышкан. Ал эми мал-жандыктарды туугандары айылга айдап кетишкен", - деп кошумчалашты ӨКМ кызматынан.
Пикир
Оставить комментарий