Бишкек, 16.02.24. /Кабар/. Күн мурун Жалал-Абад шаарында Советтик аскерлердин Афганистандан чыгарылгандыгынын 35 жылдыгы белгиленди.
Муниципалитеттен билдиришкендей, “Жеңиш” эс алуу багында өткөн иш-чарага Жалал-Абад шаарынын мэри Эрнисбек Ормоков, шаардык кеңештин төрагасы Нуртилек Орозбаев, мекеме-ишканалардын жетекчилери, афган согушунун ардагерлери жана каза болгондордун жакындары катышты.
Эскерүү иш-чарасында каза болгон аскерлерге арналган эстеликке гүл коюлуп, курман болгондорго куран окулду.
Эскерте кетсек, Афган согушуна 620 миң советтик аскер катышкан болсо, алардын ичинен 105 жоокер Жалал-Абад шаарынан барган. Алардын арасынан 17 жоокер курман болгон. Учурда калаада 70тен ашык ооган согушунун катышуучусу бар. Аларга мамлекет жана жергиликтүү бийлик тарабынан ар тараптуу колдоо көрсөтүлүп келет.
Пикир
Оставить комментарий